kabilugan ng buwan buwan ng kabilugan

kabilugan ngayon ng buwan
lalabas ang mga mangkukulam sa gulod
sasayawan ang mga tuod
hahagkan ang mga anino sa dilim
hanggang lukuban ng makapal na itim
na ulap ang liwanag ng buwan
at ang mga halakhak ng diwata
ay lalamunin ng dilim
bubuka ang lupa
lalabas ang mga anito
upang ihudyat ang
lagim ng paniningil
sapagkat ang mga saglit ng araw
ang mga ritwal ng tag-araw
tag-ulan, tag-ani
kabilugan ng buwan
ang syang bumubuo ng
kasaysayan
ng ating panahon.