bilog ang b'wan nang sya'y lumisan...

hindi nagawang
pawiin ng bilog
na b'wang nagdaan
ang kalungkutan
makulimlim
kung ang matang tumitingin
ay nababalot
ng luha't pait.

maraming hatid
na alaala
ang b'wan
at ang kanyang kabuuan.
hugis na bilog
ang tikas
ang kinang

at nang s'ya
nga'y natitigan
ilang gabi ang nagdaan
may kung
anong malamig
na gunitang
bumalot
sa nangungulilang
damdamin.

bakit ba nakaligtaan
na ang sinag
sa kanyang kabilugan
ay lumilikha
ng mga taong-lobo
nagbabagong-anyo
nanununggab
nandaragit
nandarahas
nananakit
nag-iiwan
ng sugat
ng pilat
puso'ng
duguan?