walang pamagat

tilamsik ng putik

sa duguan mong paa

kirot ng sakit

sa sugat ng pagsasamantala

hinuhukay na libingan

ng iilang gahamang

nabubuhay sa

sementetryong putikan

bubungkalin ang lupang

kalansay ang laman

masangsang na amoy

ng pagdarahop

kasakiman

mangingibabaw sa

sangkatauhang

gigising sa

tulog na kamulatan

lupa ng kabuhayan

larangan ng mga labanan

babangon ang kasaysayan

sa bago at mas maigting

na tipo ng digmaan

tilamsik ng dugo

sa sugatan mong paa

busilak na tagumpay

sa mahal mong ina

wala ka na

kung may ilang araw nang nananalanta ang unos... pagal ang katawan... pagod ang isip...bugbog ang puso...kadalasang, masalimuot ang buhay...ikaw ang nagsisilbing liwanag...ngunit wala nang mahika ang iyong presensya? hindi na kita maaninag ni maramdaman. tuluyan ka nang naglaho...